أنا بنت مصرية بحب مصر جداً مش عشان هى أحلى بلد فى الدنيا بس عشان هى بلدى اللى إتولدت فيها وإتربيت فى خيرها والسبب الأساسى عندى فى حبى لبلدى إن حب الوطن جزء من الإيمان.
طبعاً كل واحد عارف اللى حصل فى مصر ويمكن يعرف أكتر منى بس أنا حبيت اكتب لا عشان اكتب رأيى لأن الحقيقة لحد دلوقتى أنا مش فاهمة أيه اللى بيحصل ولا عشان أقول أنا مع حد بعينه ولا ضد حد بعينه.
أنا كتبت مخصوص عشان أقول آسفين يامصر آسفة يامصر آسفة يامصر وبادعى إنى ربنا يعدى الموضوع ده على خير وترجع مصر لقمة مجدها مش زى ما كانت بل بالعكس أنا عاوزاها أحسن ياريت نرجع زى ما كنا رواد فى كل حاجة بس تفتكروا هنوصل لوضعنا فى أد أيه؟ وياترى هنوصل؟
آه هنوصل لو كل واحد غير من نفسه البلد مش هتغيرنا ولا النظام هيغيرنا بس هنغير نفسنا وفى الآخر بأقول ياااااااااااااااااااااااااااااااااارب ياااااااااااااااااااااااااااااارب ياااااااااااااااااااااااااااااااااااااااااااااارب وفقنا لما تحبه وترضاه
ليست هناك تعليقات:
إرسال تعليق