تربية وتعليم

دايماً يقولك العيب على المدرس ..... المدرس عاوز يتطور ....... تعرفوا إنى كرهت شغلى بسبب نظرة المجتمع لينا

نفسى افهم ايه اللى يفرق خريج كلية تربية عن أى كلية تانية مثلاً التانى درس ثانوية عامة وأنا مدرستش

التانى ليه عقل وأنا ماليش لا طبعاً مفيش حاجة تفرق يمكن أنا اجتهدت أكتر من أى حد كان فى كلية تانية .... معلشى حاسة إنى أفورت شوية بس والله معذورة بجد حرااااااااااااااااااااااااااااااااااام.

تيجى على المدرس وأنا هاتكلم عن المرحلة الإعدادية لإنها المرحلة اللى أنا اشتغلت فيها مع العلم بدرايتى بالتعليم الإبتدائى لإنى اشتغلت فى تعليم أساسى بس أنا لما هاتكلم هاتكلم عن الإعدادى.

تلاقى الطالب طالع لك من إبتدائى مش عارف يكتب اسمه مش عارفة بقى المطلوب منى اعلمه اسمه ولا ادرس له المنهج اللى مطلوب منى ادرسهوله فى خطة زمنية معينة الغلط مش على الطالب الغلط على المنظومة اللى بيتعلم فيها الطالب تلاقى المدرسة عشان ترفع النسبة بتاعتها إما إنها تسيب اللجان للغش أو يكتبوا للطلبة بإيديهم.

تيجى بقى على الطالب فى إعدادى تلاقى طالب طالع لك مش عارف تعمل معاه أيه تفهم الطلبة بالنسبة للى بيفهموا حلو جداً وفل الفل يجيلك موجه قال أيه الموجه بيجى عشان يوجهك يقولك فلان (اللى هو شغال بالحفظ) الطريقة بتاعته حلوة جداً يجى لى إحباط لا والله ما بحط فى دماغى مادام مقتنعة باللى أنا باعمله وضميرى مرتاح وبأدى عملى بما يرضى الله تيجى للمنهج تلاقى المنهج مفهوش حاجة تفيد الطالب واللى بيتقال فى إبتدائى هو اللى فى إعدادى بإختلاف شوية كلام وتلاقى تشابه فى مواضيع المناهج فى المواد المختلفة طب ليه الكلكعة ما تبسط المعلومة للطالب بشكل يفيده واللى هو يستفيد منه ويحس إنه فى مجال المحيط اللى هو عايش فيه والحاجة اللى هو بيحبها.

تيجى لإستهبال السنة قصدى أعمل السنة